Новы эпізод падкаста “Атожылкі няскоранай дубровы” – серыі размоў з музыкамі і творцамі, якія апынуліся па-за мяжой📍

У сённяшнім эпізодзе гутарым з музыкам Іллём Гурыным-Бабаевым. Нядаўна, пасля двух гадовага перапынку, Ілля выдаў EP Game O (thegurinbabayeu.bandcamp.com/album/game-o) - эксперыментальную плытку, якая даследуе музычны прадакашан праз гульню. EP, на наш погляд, атрымалася выдатнай, што і стала штуршком да нашай размовы. Пра навучанне ў University of the arts London, досвед эміграцыі, адрозненне паміж музыкай і гукам, а таксама, што такое няяўныя веды – пра ўсё гэта ў сённяшняй гутарцы

Падкаст вядуць радыёэнтузіясты Павел Кірпікаў і Аляксандр Карнейчук.

Hosted on Acast. See acast.com/privacy for more information.

Новы эпізод падкаста “Атожылкі няскоранай дубровы” – серыі размоў з музыкамі і творцамі, якія апынуліся па-за мяжой.

У сённяшнім эпізодзе гутарым з музыкам і стваральнікам праекта Domsun Барысам Ключнікавым. Пасля 2020-га Барыс пераехаў у Познань, дзе працягнуў займацца музыкай. Там да першапачаткова электроннага праекту Domsun далучыліся гітарыст, бубнач, а таксама вакалісткі, якія пераўтварылі бэдрум-прадакшан у поўнавартасны лайв-гурт. Нядаўна ў Domsun выйшаў дэбютны альбом Accidents – сумесь еўрапейскай электронікі, меладычнага брэйкбіту і блюзовых вакальных сэмплаў. Альбом, на наш погляд, атрымаўся выдатны, што і стала штуршком да нашай размовы. Чаму лайвы і запісы Domsun адрозніваюцца, што такое познаньскае “Мы”, навошта вывучаць мову ў эміграцыі і як, на думку Барыса, гучаць Познань і Менск – пра ўсё гэта ў сённяшняй гутарцы.

Падкаст вядуць радыёэнтузіясты Павел Кірпікаў і Аляксандр Карнейчук.

Hosted on Acast. See acast.com/privacy for more information.

Новы эпізод падкаста “Атожылкі няскоранай дубровы” – серыі размоў з музыкамі і творцамі, якія апынуліся па-за мяжой.

У сённяшнім эпізодзе мы гутарым са скандальна вядомым рэп-выканаўцам і прапаведнікам вар’яцтва Суцерам, таксама вядомым як Diva Nenormativa. З 2021 года ён жыве ў Сакартвэла, дзе гартуе свае творчыя здольнасці пад ласкавым паўднёвым сонейкам, а нядаўна пракаціўся з насычаным польска-літоўскім Ja Pierdoler Tour, падчас якога мы і выцягнулі Алега на размову. Чаму рэп-батлы варта праводзіць на сапраўдным баксёрскім рынгу, як музыку ствараць кантэнт, які будзе прыцягваць увагу, і як легальна скарыстацца сэмплам, які гучыць у трэку Канье Вэста – пра ўсё гэта ў сённяшняй гутарцы!

Падкаст вядуць радыёэнтузіясты Павел Кірпікаў і Аляксандр Карнейчук.

Hosted on Acast. See acast.com/privacy for more information.