Episodes

  • #79.- Kaki Arkarazo, musikaren alkimista da

    #79.- Kaki Arkarazo, musikaren alkimista da
    Nov 16 2023
    Bi etxe ditu Kaki Arkarazok. Usurbilen, familiarekin bizi dena, eta Garate estudioa. Musikarekin ezkonduta bizi da betidanik. Gurasoen etxeko sukaldean aulkiei buelta eman eta bateria jotzen zuenetik, M-ak, Kortatu eta Negu Gorriak taldeetan jotzen zuenera arte. Eta orain ere bai, Garate estudioetako nagusia baita. Hamaika diskoren ekoizpena egin du, tartean, mundu mailan oso ezagunak diren bandak. Guri bi etxeetako ateak zabaldu dizkigu.
    Show more Show less
    1 hr and 17 mins
  • #28.-Isabel Cadenas Cañon, isiltasunaren arrakaletatik

    #28.-Isabel Cadenas Cañon, isiltasunaren arrakaletatik
    May 20 2021
    Madrilgo Lavapies auzoan bizi da Isabel Cadenas Cañón basauritarra. Isiltasunaren arrakaletan arakatzen ibili da azken urteotan eta horren emaitza da ‘De eso no se habla’ podcast ederra. Audiogintza du ogibide eta Euskadi Irratian, Deutsche Welle irrati alemaniarrean eta Radio Ambulanten kolaboratu du, besteak beste. ‘Poética de la ausencia’ saioaz gain, bi poema liburu argitaratu ditu; ‘Irse’ eta ‘También eso era el verano’. Doktorea da Ikasketa Kulturaletan eta Historia Kulturala irakasten du New York University-n, baina, akademiatik ihesean dabil azken boladan. Etxeko ateak zabaldu dizkigu.
    Show more Show less
    58 mins
  • #21.- Arantxa Iturbe: Irratia da bere etxea

    #21.- Arantxa Iturbe: Irratia da bere etxea
    Nov 9 2019
    Euskadi Irratiko uhinetan entzuten da Arantxa Iturberen (Alegia, 1964) ahotsa 80ko hamarkadatik. Bere etxera gonbidatuko gaituen galdetu eta erantzun digu erredakzioa dela bere habia. Iturbek dio, mikrofono, estudio eta bulego arteko leku hori duela etxetzat aspaldidanik. Kultura maite du eta berau egin du ogibide, irratian eta idazle gisa. Entzule fina da, galderak egiten dituenak entzuten ere jakin behar baitu. 'Arratsean' saioa amaitzen den azken segundoan den dena bere lekuan dagoela sentitzea, orgasmoaren parekoa dela aitortu digu Alegitarrak. Hala ote?
    Show more Show less
    51 mins
  • #22.- Beñat Sarasola: Liburu bakoitzak du bere lekua

    #22.- Beñat Sarasola: Liburu bakoitzak du bere lekua
    Dec 15 2019
    Beñat Sarasola 1984an jaio zen Donostian. Nekez topa zezakeen NAN txartelean zizelkatzeko urte aproposagorik. Literaturak apasionatu izan du gazte gaztetatik eta, idazlea izateaz gainera, kritikaria eta unibertsitateko irakaslea ere bada. Poesiatik eleberriaren generora egin du salto 'Deklaratzekorik ez' (Susa, 2019) lan ederrarekin. Bere etxeko apalategietan nekez topatuko duzu tartetxo bat, aitzitik, liburu bakoitzak du bere lekua. Harkaitz Canoren belaontzitik oso gertu bizi da, Egia auzoan, eta berak ere katamaraneko ateak zabaldu dizkigu. Sartu nahi?
    Show more Show less
    54 mins
  • #23.- Luistxo Fernandez: Ni naiz Spartacus

    #23.- Luistxo Fernandez: Ni naiz Spartacus
    Apr 10 2020
    Luistxo Fernadez (Eibar, 1966) Egunkariaren sortzaileetako bat da. Kazetaria. Baina teknologiaren oihanera salto egin zuen, haren lilurak erakarrita, lagun batzuekin batera Codesyntax sortu zuenean. Ozpina da, garratza, eta era berean sinpatikoa eta jatorra. Hori bai ez espero zurikeriarik haren partetik. ‘Etxepare Porno. zibernetika euskaratzeko metodoa’ liburua idatzi zuen 1998ean, eta Sustatu.eus 2001ean, baina euri gehiegi egin du ordutik. Orain Egunean Behin plataforma ospetsuaren arduradunetako bat da. Snookerraz, ADN mitokondrialaz eta internetez hitz egin dugu, besteak beste. Bere etxeko ateak zabaldu dizkigu.
    Show more Show less
    58 mins
  • #24.- Joxe Mari Agirretxe: Irriaren militantea

    #24.- Joxe Mari Agirretxe: Irriaren militantea
    Apr 12 2020
    Joxe Mari Agirretxek (Lasarte-Oria, 1964) pailazogintzari eman dio bizitza osoa. Ezagunagoa egingo zaizu agian bere pailazo izengoitia: Porrotx. Aitarekin boxeoa ikusten zuen Urtain-en garaian, eta Xabier Arzalluzen mitinetara laguntzen zion baita. Gazterik, Jarrai-n sartu eta Herri Batasuneko zinegotzia izan zen Lasarte-Orian. Garaiotan hasi zuen baita bere pailazo ibilbidea Takolo, Pirritx eta Porrotx hirukotean. Azkenean pailazogintza ogibide bihurtu eta urte mordoa darama irriaren militante lanetan. Belaunaldi batek baino gehiagok egin du barre Porrotxekin. Orain Pirritx, Porrotx eta Marimototsek osatzen dute hirukoa, eta sekulako lantaldea dute atzean. Agirretxek bere baserriko ateak zabaldu dizkigu, sartu nahi?
    Show more Show less
    1 hr
  • #25.- Juan G. Andres eta Barruan Gaude-ren ahizpa bikia

    #25.- Juan G. Andres eta Barruan Gaude-ren ahizpa bikia
    Apr 12 2021
    Martxan da berriz ere Barruan Gaude podcasta. Berritasunekin gatoz gainera, izan ere, EiTB Podkast plataforman ekoitziko ditugu gure atalak hemendik Aurrera. Eta hori gutxi balitz Barruan Gaude-k gazteleraz egingo den ahizpa bikia izango du: Estamos Dentro. Berau gidatuko duen Juan G. Andres kazetariaren etxean sartu gara denboraldi berria hasteko asmotan. Erredakzioak mehar-mehar, erdi hutsik, dauden garaiotan kazetaritza ogibide duin bihurtzeko abilezia du Andresek. Hainbat hedabidetan idatzi izan du eta Zinemaldian lanean aritzeaz gainera audiogintzan ere sartu da buru belarri. Jarri kaskoak eta entzun!
    Show more Show less
    33 mins
  • #26.- Iban Urizar ‘Amorante’, folklorea eta autotunea besarkatuz

    #26.- Iban Urizar ‘Amorante’, folklorea eta autotunea besarkatuz
    May 7 2021
    Hamaika proiektutan entzun dugu Iban Urizarren tronpetaren hotsa. Musikaria da, musika irakaslea eta, batez ere, aita. Eta ‘Amorante’ gisa sinatzen du bere bakarkako proiektuan, Rodrigo Amarante eta Enrique Morente musikarien nahasketatik sortutako ezizena, bere filiak argiki salatzen dituena. Pandemiak Elgoibar gorriz margotu duen egun batean egin dugu hitzordua musikariaren gotorlekuan. Jantzi kaskoak eta adi!
    Show more Show less
    54 mins