Résultats de "Vamsy" dans Toutes les catégories

దర్శకుడు వంశీ రచయిత గా ఎన్నో కథలని రాశారు. ప్రతి కథ లో ఒక అమాయకత్వం, కాసింత ప్రేమ, కొంచెం వెటకారం తప్పకుండా ఉంటాయి.

వంశీ దర్శకత్వ ప్రతిభ మనందరికీ సుపరిచితమే. అలాగే అతని రచనా శైలి కూడా ఎంతో వినూత్నం గా ఉంటుంది. వంశీ రాసే కథలు కానీ ఆయన ఎంపిక చేసి ప్రచురించే కథా సంకలనం కానీ ఎంతో ఆసక్తి గా ఉంటుంది. ఆయన దృష్టిలో ప్రతి పుస్తకం రావటానికి వెనుక ఒక మూలమైన ఆలోచన ఉంటుంది. "ఆనాటి వాన చినుకులు" కి కూడా ఒక ఆలోచన ఉంది అని చెప్పుకోవచ్చు. దాదాపు 25 ఏళ్ల క్రితం ఒక గూడు రిక్షా మీద ఆయన చూసిన 'ఆనాటి వానచినుకులు' అన్న వాక్యం తనని ఆలోచనల్లోకి నెట్టింది. ఆ ఆలోచన కే ఒక రూపం ఇస్తూ వంశీ 24 కథలని కదంబముగా మన ముందుకు తెచ్చారు.

సాధారణం గా అడవి లోపల ఏం జరుగుతుంది అనేది మనకి తెలియదు. కానీ ఈ అడవి లోపల కథ చదివితే అడవి గురించి, అడవి లోపలి సంగతుల గురించి అన్నీ యిట్టె తెలిసిపోతాయి.

మాట్లాడే జ్ఞాపకాలు- సినిమా కి సంబంధించి, ప్రతి కథ వెనుక ఒక కథ ఉంటుంది. తెర మీద మనం చూసే కథ ఒకటైతే, తెర వెనుక జరిగే కథ మరొకటి ఉంటుంది. అలాంటివి చదివినప్పుడు, తెలుసుకున్నప్పుడు భలేగా అనిపిస్తుంది మనకి. అటువంటి అనుభవాలని సహజం గా అక్షర రూపం దాల్చి పాఠకులకి అందించడం లో వంశీ ఎప్పుడూ ముందే ఉంటారు. ఇళయరాజా, వేటూరి,బాపు, రమణ ఇలా ఎందరో మహానుభావులతోనూ ఆయనకున్న అనుభవాలని పెనవేసుకున్న వంశీ తన జ్ఞాపకాలకు అక్షర రూపం ఇస్తూ, గోదారి నది సంగతుల నుంచి చెన్నై నగర విశేషాల దాకా పాఠకులకి అందించారు, ఈ "మాట్లాడే జ్ఞాపకాలు" పుస్తకం లో.

స్త్రీ పురుషులకి అతీతమైనది శృంగారం. అందరూ శృంగార భావాన్ని ఎంతగానో ఆనందిస్తూ ఉంటారు. స్త్రీల తో పోలిస్తే పురుషులు ఈ భావాన్ని వ్యక్తపరచడం లో ముందుంటారు. అయితే మహిళలు ఆ విషయం లో అసలు చొరవ చూపడం కానీ, దాని గురించి మాట్లాడటం కానీ చేయరు అనే దాన్లో నిజం లేదు. అందుకు ఉదాహరణే ఈ రసఝరీ యోగం కథ. శృంగారం మతానికీ ధర్మానికి శాస్త్రానికి అతీతమైనది అని చెప్పడం రచయిత్రి ఉదేశ్యం అంటారు వంశీ.

వైష్ణవి రాసిన సహచరి కథ లో భార్యాభర్తల మధ్య అనుబంధం కనిపిస్తుంది మనకి. ఈ కథ యొక్క నేపథ్యమే అది. గోదావరి పరిసర ప్రాంతాల్లో ప్రకృతి కి చేరువలో జరిగే కథ ఈ 'సహచరి'. గిరిజన జీవన సౌందర్యాన్ని కళ్ళకి కట్టినట్టు కథలో చూపెట్టారు అంటారు వంశీ. ఇదీ ఆయనకీ నచ్చిన కథల్లో ఒకటి.

ప్రేమ అపురూపమైనది. ఒక్కో సారి ఎవరి మీద ప్రేమ పుడుతుందో ఇట్టే అర్ధం కాదు మనకి. అలాంటి ఒక కథ ఈ పారిజాతం. అకస్మాత్తుగా పరిచయం అయ్యి, ఒక అబ్బాయి గుండెలో భావాలను పలికించి మరలా కనిపించకుండా ఆ అమ్మాయి వెళ్ళిపోతే, ఆ కథ సరిగా ఇలానే ఉంటుంది. వి. అశ్వినీ కుమార్ రాసిన ఈ కథ కూడా వంశీకి నచ్చిన కథల్లో ఒకటై, వంశీకి నచ్చిన కథలు సంకలనంలో భాగమైంది.

కాలంతో పాటుగా మనిషి మారాలి అనేది నిజం. అందులోని సత్యం గ్రహించినవారు ఆధునికతకి అలవాటు పడి అదృష్టవంతులవుతారు. అలా కాకుండా మార్పుకి సహకరించకుండా ఇంకా పాత కాలపు వ్యవహారాలతోనే గడిపేస్తే వారికే నష్టం. ఇంకా మూఢ నమ్మకాలని గుడ్డిగా పాటించే అనేక మందికి ఈ తాతయ్య వాచీ కథ ఒక చక్కని సందేశం ఇస్తుంది.

కొన్ని కొన్ని కథలు వ్యంగ్యం గా ఉంటూ నే గొప్ప సందేశాన్ని వెలిబుచ్చే లా ఉంటాయి. అటువంటి కథల్లో ఒకటి ఈ పురాగణం. మనిషి కోతి నుంచి పుట్టాడు అనే సిద్ధాంతం మనకి తెలుసు. అట్టి సిద్ధాంతం ప్రధానం గా మానవ జన్మ ఎంత అధోగతి కి దిగజారిపోయిందో చెప్తుంది ఈ కథ. ఈ కథ రాసింది జీ. ఆర్ మహర్షి. వంశీ కి నచ్చిన కథలు సంకలనం లో ఈ కథ కూడా ఒకటి.

వివాహం అనేది అందరి జీవితాల్లో గొప్పగా ఉంటుంది అనుకోవడంలో అర్ధం లేదు. చాలా మందికి అసలు వివాహం చేసుకోవడానికి మనసొప్పదు. ఎందుకు చేసుకోవాలి పెళ్లి అనే ధోరణిలో మాట్లాడుతూ ఉంటారు. కొన్ని కొన్ని సార్లు వారి ఆదర్శాలకు వాస్తవం అడ్డొస్తుంది. అటువంటి పరిస్థితిలో వారు ఎలా ఉంటారు అనేది చెప్తుంది, పూడూరి రాజిరెడ్డి రాసిన మరణ లేఖలు అనే ఈ కథ.

ఎంతో కష్టపడి ప్రజలకి సేవ చేయాలనే ఉదేశంతో చాలా మంది రాజకీయాల్లోకి వస్తారు. వచ్చే అందరూ మంచి చేయాలనే ఉదేశంతోనే వస్తారేమో కానీ అన్ని సార్లు అది కుదిరే పని కాదు. ఎక్కడో ఒకళ్ళు ఇద్దరు తప్ప నిజాయితీగా ప్రజల కోసం సేవ చేసే వారి సంఖ్య చాలా తక్కువ. ఈ ప్రస్థానం అనే కథ వారి గురించే. వరలక్ష్మి రాసిన ఈ కథ కూడా వంశీకి నచ్చిన కథల్లో ఒకటి.

పాత్రల తో గారడీ చేస్తూ ఒక తత్వాన్ని బోధించే కథలు బయటకు రావడం అంత మామూలు విషయం కాదు. అటువంటి ఒక కథే ఈ 'ప్రాప్తం'. నిడదవోలు మాలతి రాసిన ఈ కథ లో జీవితం గురించి జీవిత పరమార్థం గురించి చక్కగా వర్ణించడం జరుగుతుంది. ఈ కథ హార్ట్ టచింగ్ గా ఉంది అంటారు వంశీ. ఇది కూడా వంశీ కి నచ్చిన కథలు సంకలనం లో ఒకటి.

పెళ్ళటూర్లలోని కథలు ఎప్పటికప్పుడు అద్భుతంగా అందం గా ఉంటాయి. ఈ కథల్లో ని సారం అర్ధం చేసుకున్న వాళ్లకు ఎప్పుడూ సంతోషమే. అలాంటి కథే ఈ పగటి వేషం. వంశీ ప్రకారం ఈ కథ లో తెలుపు ఉంది, నలుపు ఉంది. తెలుపు నలుపుల సమ్మేళనమే ఈ పగటి వేషం. ఈ కథ రాసిన వారు ఉపాధ్యాయుల గౌరీ శంకరరావు. వంశీ కి నచ్చిన కథల్లో ఇదీ ఒకటి.

వైద్య వృత్తి అంటే నే గౌరవప్రదమైన వృత్తి అంటారు అందరూ. ఎందరో వైద్యులు రోగులకు సేవలు చేస్తూ చిరస్ధాయి గా నిలిచిపోయిన ఘటనలు చాలా నే ఉన్నాయి. డా. సుబ్రహ్మణ్యం గారి దవాఖానా అనే కథ కూడా ఒక గొప్ప వైద్యుని గూర్చి అతను చేసిన సేవలు గూర్చి చెప్తుంది. ఈ కథ స్వయంగా ఈ కథ రాసిన రాజేంద్రగారి తండ్రిగారిది. ఈ కథ కూడా వంశీ కి నచ్చిన కథల్లో ఒకటి.

యదార్థ ఘటనల ఆధారం గా వచ్చిన కథలు ఎప్పటికప్పుడు మనల్ని అలరిస్తూ నే ఉంటాయి. అటువంటి కథల్లో ఒకటి ఈ తుఫాను. 1996 లో కోనసీమ లో సంభవించిన ఒక పెను తుఫాను చుట్టూ జరిగిన ఒక కథ ఆధారంగా ఈ కథ అల్లబడింది. ఆ తుఫాను తాలూకు కథలు, అప్పటి సంఘటనలు వాస్తవంగా మన కి కథ రూపం లో తీసుకొని వచ్చారు రచయిత్రి రావులపల్లి సునీత.

కథ టైటిల్తోనే రచయిత ఈ కథ మీద ఎంతగానో ఆసక్తిని తీసుకొని వచ్చాడు. చక్కని ప్రేమ కథని సాధారణంగా అందరూ చెప్పే శైలిలో కాకుండా అందులో మంచి భావుకతని జోడించి ఉత్కంఠభరితంగా సాగేలా చేశారు రచయిత వేణు. కథలోని కొత్తదనం ఇంకా అలానే ఉంటుంది. వేణు రాసిన నవ్విన ధాన్యరాశి వంశీగారికి ఎంతగానో నచ్చిన కథల్లో ఒకటి.

మానవ సంబంధాలు అనేవి ఆర్ధికమైనవే తప్ప హార్ధికమైనవి కాదు అనే విషయాన్ని ఆవిష్కరించే కథ ఈ మ్యాచ్ ఫిక్సింగ్. మన సంబంధాల పై, ఒక చక్కని కోణం లో విశ్లేషించి మనోరంజకం గా మలచబడ్డ ఒక కుటుంబం కథ ఈ 'మ్యాచ్ ఫిక్సింగ్.' కె వీ నరేందర్ రాసిన ఈ కథ లో సహజత్వం ఉండటం వంశీ కి ఎంతగానో నచ్చిన అంశం. ఇది కూడా వంశీ కి నచ్చిన కథలు సంకలనం లో చోటు చేసుకుంది.

సమాజం ఒక అరణ్యం అయితే, ఈ జనారణ్యం లో ఎన్నో క్రూర మృగాలు నక్కి ఉన్నాయి. మన చుట్టూ ఉంటూ ఎన్నో అవాంఛనీయ సంఘటనలకు పాల్పడుతున్నారు. ఈ ఇతివృతాంతం తో నల్లమల అడవుల దగ్గర ఒక చిన్న కుగ్రామం ని నేపథ్యం గా మలుచుకొని రాసిన ఈ 'కాసి బుగ్గ' కథ అందరినీ తప్పక ఆలోచింపజేస్తుంది. ఇదీ వంశీ కి నచ్చిన కథల్లో ఒకటి.

తల్లి తండ్రులు ఇద్దరూ బిడ్డల దృష్టి లో సమానమే.అయితే ఒక్కో సారి తల్లి ప్రేమ దక్కిన వాళ్ళకి తండ్రి ప్రేమ దొరకదు. తండ్రి ప్రేమ దక్కిన వాళ్లకి తల్లి ప్రేమ దొరకదు. ఎప్పుడూ కూడా తల్లిని గొప్పగా చూపినంత గా ఈ సృష్టి లో తండ్రి ని పొగిడిన దాఖలాలు లేవు. అటువంటి అంశం మీద తండ్రి గురించి, తండ్రి ప్రేమ గురించి గొప్పగా చూపెట్టిన కథ ఈ 'నాన్నంటే'. ఏ ఎస్ జగన్నాథ శర్మ రాసిన ఈ కథ కూడా వంశీ కి నచ్చిన కథలు సంకలనంలో ఒకటి.

ఒక స్త్రీ కి మరొక స్త్రీ ఎప్పుడూ శత్రువే అనే విషయం కొత్తేమీ కాదు. అయితే ఇవాళ్టి రోజున కూడా ఈ విషయం అత్యంత ప్రామాణికం గా ఉంది. మహిళలు అన్ని రంగాల్లో చురుగ్గా పాల్గొంటూ ముందుకు సాగుతున్న ఈ తరుణం లో మహిళ కి మహిళా శత్రువుగా మారడం గల ఆంతర్యం గురించిన మహిత అనే ఈ కథ ని సామాన్య రాసారు. మంచి సందేశం తో కూడిన ఈ కథ వంశీ కి నచ్చిన కథల్లో ఒకటి.